‏إظهار الرسائل ذات التسميات متنوع. إظهار كافة الرسائل
‏إظهار الرسائل ذات التسميات متنوع. إظهار كافة الرسائل

الأحد، 1 يناير 2017

التعليم المنزلي


اذا في حد سمع عن منهج montessori ، الـ Homeschooling
بالرغم من تدني المستوي التعليمي بشكل عام وعدم الثقة فيه حالياً في الغالب ..
شايف من خلال نظرة ضيقة جداً انه تفكير غير عملي التطبيق في الواقع المصري انك تفكّر تلغي المدرسة تماماً من حياة ابنك تلافياً لمدرسة عقيمة الإنتاج في الغالب وتحاول تحل مكانها انت بالكامل : مسئولية عظيمة لأسرة متوسطة الدخل حتي + استغناء عن جانب اجتماعي مهم في حياة الطفل ، انك تفضل معيّش الطفل في وسط نقي تماماً من وجود أي شيء سلبي في بيئة خايف عليه منها ان عاجلاً أو آجلاً " هيصطدم " بيها لابد . فحضرتك بالتالي هتشكّل أول عقبة نفسية في حياته ده اذا قدر يتأقلم مع أقرانه أياً كان الوقت اللي حضرتك هتسمح بيه في ارتباطه بيهم للوهلة الأولي .
فالأوْلي انك توازن مابين ان يبقي ليك دور في تعليمه ومتابعته وتقويمه في البيئة اللي هو مضطر حتماً يتعامل معاها علي ماهي عليه من مدرسة وأصدقاء وكل شيء هو هيتعرض له خارج الوسط النقي اللي انت بتُمنيه لطفلك ، ولامانع ان دورك وقتها يكون الأكثر إيجابية من خلال معرفتك وخبرتك في التعامل معاه ،، استعدادك للدور ده من قبل ماييجي هيكون أكثر أفضلية وحباً منك بلا شك .
ربنا يرزقنا البر بأبنائنا : )) .
دي مجموعة من الصفحات المهتمة بالأمر وده تعريف بمنهج mentessori بدايةًhttp://bit.ly/2cBL8lB
وللإحاطة أكثر بالأمر يمكنك عمل list بمايجذبك من هذه الصفحات وبإمكانك الرجوع إليها كلما أردت اهتماماً فتجد جميع تحديثات هذه الصفحات عليها .
to create a list :
go to your home and on the left : reach the word " interests" and click more then you can make it .
من أهم الجروبات في التربية :
جروب التعليم المرن : http://bit.ly/2dzWUiN
جروب الإعداد والتأهيل للأمهات (نسائي) : http://bit.ly/2dlaHIx
جروبات الأعمار المختلفة (مواد تعليمية خاصة بالأعمار المحددة) : http://bit.ly/2cBNuB3
،
جروب Muslimori : http://bit.ly/2dzXOvx
صفحة التعليم المرن : http://bit.ly/2drFBnR
صفحة "عالم مُنتِسورى - Montessori World" : http://bit.ly/2cW3fE1
مدونة د.دعاء مجدي : http://bit.ly/2cCz3Sl
صفحة "Shrem Arts and Crafts" : http://bit.ly/2drXrma
صفحة "الطفل : تغذية - بناء شخصية - تنمية مهارات " : ‎ http://bit.ly/2d7d4nV
صفحة "Parenting with Howayda -دليلك لتربية الأطفال": ‎ http://bit.ly/2cWfrEG
صفحة مشروع بذرة : http://bit.ly/2dftwPf
صفحة ابن خلدون للتعليم المنزلي : http://bit.ly/2cLxAYh
صفحة أقرأ وأكتب مع أمي : http://bit.ly/2cWiMU4
صفحة كما ربياني صغيرا : http://bit.ly/2dtZXfQ
صفحة التعلم باللعب : http://bit.ly/2d56Mlr
صفحة اتعلم وفنن : http://bit.ly/2d57tLy
صفحة الموسوعة التربوية : http://bit.ly/2d7sVmp
صفحة أنا وطفلي : http://bit.ly/2dAd1g8
صفحة 4nono : http://bit.ly/2dAdsas
صفحة رياض الجنة : http://bit.ly/2dkVJ8Z
صفحة مهارات منتسوري : http://bit.ly/2cCHKM9
صفحة علمتني أمي : http://bit.ly/2cCIv8j
صفحة أنشطة للطفل المبدع : http://bit.ly/2cCJGnZ
صفحة مركز تواصل : http://bit.ly/2dAekeY
صفحة في بيتنا مدرسة : http://bit.ly/2dfvuiI
صفحة Atfalclub : http://bit.ly/2d7u5hS
موقع Baby Center : http://bit.ly/2cC4kzM
موقع سوبر ماما : http://bit.ly/2dafhwm
صفحة غِراس : http://bit.ly/2daxDf6
صفحة Grow up your mind / Kids : http://bit.ly/2cLCEeY
صفحة Ribbonat : http://bit.ly/2dlzyfb
صفحة بداية جديدة : http://bit.ly/2cCLPzZ
صفحة التربية بالحب : http://bit.ly/2dAhUWA
صفحات أطباء : http://bit.ly/2cWlZ68
http://bit.ly/2cCMbqj
سلسلة ساعة التربية لـ د.ياسر نصر :http://bit.ly/2d5fNLi ، http://bit.ly/2dAlXSH
سلسلة سنة أولي لـ د.ياسر نصر : http://bit.ly/2d5fHDp
سلسلة تربية الأولاد في الإسلام لـ د. النابلسي : http://bit.ly/2dDOfP1
سلسلة تربية الأبناء د.محمد خير الشعال : http://bit.ly/2cCfSms
فن التعامل مع الأبناء الشيخ العريفي : http://bit.ly/2d5gmon
ألعاب لتنمية مهارات الصغار : http://bit.ly/2ds2qI7
سلسلة التربية الرشيدة د.عبد الكريم بكار : http://bit.ly/2dfBnMR
أسئلة طفلك الحرجة : http://bit.ly/2dAo6ho
كورس تربية الطفل - أكاديمية التحرير : http://bit.ly/2daFA3X
النبوغ المبكر - أكاديمية ملتقي الدارين : http://bit.ly/2cCaZKp
كتالوج طفلك - أكاديمية ملتقي الدارين : http://bit.ly/2dDQJwT
______________
كتب : http://bit.ly/2dApbpn
_____________
فيديو مهم : http://bit.ly/2dfDxMm ، http://bit.ly/2d5k5T7
____________
كورسات أون لاين لم تبدأ بعد : http://bit.ly/2cWuUod ، http://bit.ly/2dftwPf

منقول.
مرسلة بواسطة في ليست هناك تعليقات:
التسميات: , ,

السبت، 15 أكتوبر 2016

كيف تكتب سيرتك الذاتية وأخطاء لا تفعلها !

قبل أي شئ مسمهوش CV انما اسمه Resume .... طب الفرق بينهم إيه؟
CV : يعني بتكتب سيرتك الذاتية في كل حاجة يعني ماتعلمته في الطبيخ والتسويق والتخطيط وهندسة الأساسات والتنفيذ وكل شئ تعلمته وتدربت عليه في حياتك.
Resume: سيرتك الذاتية في شئ متخصص، لو بتقدم على وظيفة مهندس تنفيذ Site Engineer تكتب ما يؤهلك لهذه الوظيفة فقط.

وتذكر:

موظف HR بياخد وقت قليل لقراءة سيرتك الذاتية قد تصل ل 10 ثواني .... أكتب الملخص ومترغيش وركز على نقاط قوتك، لا تكتب أي شئ يضعف موقفك.

ال Resume هو باسبور بينقلك من بيتك لإنترفيو تقدر فيه تظهر مهاراتك، تاني ركز على نقاط قوتك.

لا تفعل الآتي: 

(تذكر أنك تركز على نقاط قوتك فلا تريد أن يأخذ منك موقف سلبي قبل الإنترفيو، وتذكر أن Resume رسمي أي Formal) .

  1. لا تضع صورتك إلا لو طلبها بشكل صريح أو طلب شخص حسن المظهر فتضع صورتك.
  2. لا تكتب بخط ملون، إنما أبيض وأسود، إلا لو كانت وظيفة مُصمم فوتوشوب أو مصمم مواقع ومثلهما.
  3. لا تكتب ديانتك، حتى لا يأخذ منك موقف عدائي إذا كان عنصري.
  4. لا تكتب حالتك الإجتماعية، سواء أعزب أو متزوج إلا اذا طلبها.
  5. لا تضع إطار حول الصفحة وإذا فعلت فيكون مجرد خط وليس ورود أو غيرها.

  • الResume يكون بصيغة pdf، ويكون باسم الوظيفة ثم اسمك مثال: QC Engineer-Mohamed Elgamal.
  • اسمك دائماً يكون الإسم الأول والأخير أي اسمك + لقب العائلة.
  • ال Subject في الإيميل يكون باسم الوظيفة واسمك  QC Engineer-Mohamed Elgamal مالم يكون للوظيفة المعلن عنها كود محدد تكتبه في عنوان الميل.
  • يُفضل أن يكون بريدك الإلكتروني على موقع Gmail لأنه أكثر احترافية.

شكل الميل: 

To: تكتب ايميل الشركة أو موظف HR .
Subject : تكتب اسمك واسم الوظيفة أو كود الوظيفة إن وُجد.
موضوع الميل: ويسمى Cover Letter وده بيكون 3 سطور تقريباً تجذب فيهم HR لنفسك بكتابة عناوين عنك بشكل يحتاجه مثال: حصلت على المركز الأول عالجمهورية بحث علمي ومشروعات هندسية وعملت في شركة أوراسكوم كمهندس ضبط جودة حيث قمت باستلام حدادة ونجارة قواعد واعمدة واسقف وأعمال تشطيبات من مباني وبياض وابواب وشبابيك خشبية وألمنيوم .... وهكذا (كله بالإنجليزي طبعا).
ختام الميل: Best Wishes وتحتها تكتب اسمك الأول والأخير Mohamed Elgamal وتحتها رقمك وقبله كود البلد +2010......
ثم تُرفق سيرتك الذاتية بصيغة Pdf وتكون باسمك واسم الوظيفة.

شكل السيرة الذاتية: 

  1. نبدأ بمنتصف الصفحة من الأعلى بفونت يتراوح من 12 لـ 16 وتكتب اسمك الأول والأخير.
  2. تحت الإسم تكتب إيميلك ويُفضل يكون Gmail، وتذكر أن يكون باسمك وليس اسم دلع مثل m.salamaelgamal@gmail.com وليس الكتكوت الجعان@gmail 
  3. تحت الميل نكتب الرقم ويسبقه كود البلد +201095049411 
  4. تحته تكتب العنوان من الأصغر للأكبر أي من اسم الشارع ثم المدينة ثم المحافظة ثم الدولة.
  5. تحته تكتب حالة الخدمة العسكرية سواء اعفاء أو تأجيل.
  6. تحتها من الشمال عنوان Summary : وده نكتب فيه اسم الوظيفة ال بنقدم عليها مثال: QC Engineer .
  7. تحتها من الشمال عنوان Education وده نكتب فيه تعليمنا المؤهل ثم الجامعة والفترة الجامعية، وإذا درست شيئا بعد الجامعة تكتبه أولا ثم الجامعة أسفله.
  8. تحتها عالشمال عنوان Achievements ونكتب فيها انجازاتك الكبرى سواء اختراع أو بحث أو مؤتمر علمي أو ماشابههم.
  9. تحتها من الشمال عنوان Experience: وده تكتب فيه خبرتك سواء من شغل سابق أو حالي أو تدريب حيث تكتب المسمى الوظيفي ثم مكان الوظيفة الشركة ثم فترة التوظيف واسفل كل وظيفة تكتب البنود التي تعمل عليها مثال:
QC Enginner at Orascom  2/2012- Present 
(flat slab, solid slab, plaster, ...etc)
8- تحتها عالشمال Qualifications أو Courses : وتكتب فيها مؤهلاتك وما تجيده من أمور تؤهلك للوظيفة .
9- تحتها عالشمال عنوان Activities: وتكتب فيها انشطتك التطوعية والتنموية والمسابقات التي شاركت بها.
10- تحتها عالشمال عنوان References: وتكتب فيها اسم ووظيفة ورقم او ايميل شخص يوصي بك عند الاستعانة به لتأكيد المعلومات التي ذكرتها يرد عليهم ليؤكدها.

تذكر: 

  • لا تكذب أبدا لأنه في حال اكتشاف كذبك يتم وضعك على القائمة السوداء لدخول الشركة طوال حياتك.
  • اذا دبلرت في الكلية لا تكتب الفترة الجامعية في التعليم لأننا نكتب نقاط القوة فقط.
  • اذا كان تقديرك فالكلية جيد جدا أو أكبر اكتبه وإلا فلا، كذلك تكتب مشروع التخرج وتقديره اذا كان جيد جدا او اكبر.





مرسلة بواسطة في ليست هناك تعليقات:
التسميات: , ,

السبت، 8 أكتوبر 2016

الفرق بين Guarantee و Warranty

Guarantee:

  1.  تُعطى بواسطة المورد Supplier, Dealer .
  2. الشهادة دي بتضمن عمر المنتج وجودته.
  3. تكون مجاناً أو بمقابل مادي مقابل الصيانة والضمان.
  4. تعتبر ورقة يُعتد بها قانونياً.


Warranty: 
  1. تُعطى من المُصنع Manufacturer.
  2. تكون ضمان على المنتج من عيوب الصناعة.
  3. تعتبر مثل Insurance Policy .


مرسلة بواسطة في ليست هناك تعليقات:
التسميات: , ,

الخميس، 17 مارس 2016

خطة مذاكرة الإنجليزي في سنة


ساعرض عليكم الخطة كما وضعها المترجم مايكل يوسف في صفحته دون اي تعديل وسارفق لكم روابط الكتب والقواميس في نهاية الموضوع .

 
خطة مذاكرة اللغة الانجليزية  (يمكن تعديلها لتناسب الجميع) :
أولا هتحتاج الكتب و القواميس التالية (ستجدها في نهاية الموضوع)
Basic English Grammar Book 1
Fundamentals of English Grammar 3rd Edition
Understanding And Using English Grammar
Understanding And Using English Grammar Workbook
The Blue Book of Grammar and Punctuation
THE ULTIMATE PHRASAL VERB BOOK
English For You
قاموس صخر (عربي/انجليزي و انجليزي/عربي)
Oxford Advanced Learner's Dictionary - 8th Edition
ممكن نقسم مهمتك في 2014 لتعلم اللغة الي:
1- الفهم
2- الكتابة
3- التحدث
الفهم غالبا بيكون اسهل حاجة فيهم و لكن مهاراتك كلها في اللغة بتقوي مع بعض.

مهمتك في شهر يناير:
في شهر يناير هتذاكر كتاب Basic English Grammar Book 1
طبعا الكتاب صغير جدا ، عبارة عن 150 صفحة من الصور و شرحه مختصر و سهل فهمه. في ناس هتقول كله انجليزي و مش فاهمين حاجة ، مهمتك هنا هو انك تترجم كل كلمة مش غريبة عليك من قاموس صخر. الكتاب هو اول خطوة في اللغة الانجليزية ، طبعا مش سهل انك تترجم كل كلمة ولكن مش صعب ايضا. لازم كمان تكتب كل الجمل الجديدة في ملف ورد ، و اي تعبيرات جديدة.
مهمتك ايضا في شهر يناير انك تذاكر (مش تتفرج) علي 10 حلقات English For You علي youtube ، لما بقول تذاكر يبقي معاك ورقة و قلم و بتكتب الكلمات الجديدة و كل حاجة محتاج تفهمها تاني. انطق معاهم و وقف الفيديو و انطق مرة و اتنين و عشرين مفيش مشكلة. في فرق انك تتفرج علي الفيديو و انك تذكره.
شهر فبراير و مارس:
مهمتك في الشهرين دول انك تذاكر كتاب Fundamentals of English Grammar 3rd Edition ، الكتاب يعتبر 430 صفحة يعني كبير شوية. الكتاب كنز في الجمل و التعبيرات و طبعا الازمنة و الصفات و مبني المعلوم والمجهول و الافعال المساعدة و هكذا. الكتاب عايز ناس جادة فعلا وهو مش سهل و هنا هتعرف اذا كنت فعلا بتقدر تذاكر لوحدك ولا مش هتقدر ، بمعني اخر لو عرفت تكمل الكتاب لوحدك يبقي كدا اطمن هتقدر تحترف اللغة الانجليزية بدون مساعدة اي شخص. نفس اسلوب المذاكرة بتاعك الكتاب السابق ، لازم يكون عندك صبر و انت بتذاكر يعني في اول صفحة في الكتاب في سؤال بيقول
How long have you been in this city?
طبعا انت مش فاهم تركيبة السؤال ليه كدا ، المهم انك تكمل للاخر و تكتب اي ملاحظات في اجندة ملاحظات مخصوصة علشان ترجع لها بعدين و تشوف ايه المشاكل بتاعتك في اللغة.
هتذاكر في الشهرين دول 20 حلقة English For You بجانب الكتاب ، ممكن تتفرج علي الحلقة مرة الاول و بعد كدا تذاكرها. كل واحد فينا هيختلف في الاسلوب طبعا شوية عن التاني. ولكن اهم شيء انك تترجم كل كلمة مش عارفها حتي لو اتأخرت شوية في الجدول مش مهم ابدا ، المهم انك تكون بتذاكر يوميا و بتذاكر مش اقل من 3 ساعات. مع الوقت حصلة كلماتك هتزيد و فهمك للغة هيقوي و هتقرأ اسرع و احسن كل يوم. لازم كمان تنطق كل كلمة في موقع howjsay.com او في قاموس Oxford Advanced Learner's Dictionary

شهر ابريل و مايو:
هتذاكر كتاب Understanding And Using English Grammar ، و هو كتاب اصعب شوية و لكن هتتبع نفس الاسلوب. لازم يكون في اصرار انك تتعلم لان الموضوع مش سهل لوحدك ولكنه مش صعب كمان ، وفي ناس بتعمل كدا كل يوم و بتشوف انه شيء عادي. هتذاكر 20 حلقة في ابريل و مايو من English For You و دلوقتي اقدر اقول انك في شهر ابريل جاهز لاستخدام القاموس الانجليزي Oxford Advanced Learner's Dictionary
استخدام قاموس انجليزي انجليزي مش سهل في الاول ، يعني لما تشوف معني كلمة و تلاقي الشرح نفسه بالانجليزي هتحتاج في البداية تترجم الشرح نفسه للعربية ، متضايقش و لا تفقد الامل الموضوع هيبقي صعب في الاول و لكن بعد كدا مستواك اللغوي هياخد شكل تاني خالص. لما تفهم الكلمة بالانجليزية هتعرف الاستخدام الصحيح للكلمة. هنعمل مشاركة منفصلة ان شاء الله عن استخدام القاموس.
شهر يونيو و يوليو:
هتذاكر كتاب Understanding And Using English Grammar Workbook و هو كتاب رفيق للكتاب السابق و فيه تمرينات كتير ، مهم جدا انك مش تحل التمرينات بس ولكن تستخدم الحل في تقوية اللغة بتاعتك ، يعني لو اتعلمت كل شيء من الكتب دي عن استخدام الماضي و الماضي التام ابدأ في انك تتكلم عن شيء حصل لك في الماضي و تستخدم الماضي التام كمان. اكتب صفحة او زي ما تحب ، اقرأها مرة و اتنين و شوف اخطائك لوحدك بانك ترجع للكتب و تقارن و تشوف علي استخدمت الزمن بشكل صحيح؟ هل التصريف صح؟ و هكذا. لازم تتعلم نطق الكلمات لوحدها الاول و زي ما قولنا عندك قاموس اكسفورد و موقع howjsay. ابدأ كلم اصدقائك علي الفيس باللغة الانجليزية ، دا هيقوي مهارة الكتابة. هتذاكر عشر حلقات English For You في الشهرين دول علشان تركز اكثر علي التمرينات و الكتابة و نطق الكلمات و حفظها.
شهر اغسطس:
انت دلوقتي عملت شيء عظيم في سبع شهور ناس كتيرة متقدرش تعمله لانها مش عايزة تعمله ، مهمتك في الشهر دا هو كتاب The Blue Book of Grammar and Punctuation و هو كتاب صغير جدا ولكنه مفيد و هتلاقي فيه حاجات مشوفتهاش في الكتب السابقة. هتاخد معاه عشر حلقات English For You و تحاول تستخدم كلمات من الاجندة او ملف الورد في جمل جديدة علشان متنساش الفات.

شهر سبتمبر:
في الشهر دا هتخلص English For You و تراجع الحلقات كلها تاني ، هتحس انك استفدت اكتر بكتير من قبل كدا.

شهر اكتوبر:
هتذاكر كتاب THE ULTIMATE PHRASAL VERB BOOK و هو كتاب مهم جدا و يغني لغتك بتعبيرات قوية و هتبدأ فعلا تحس بداية قوتك في اللغة الانجليزية.
شهر نوفمبر و ديسمبر:
انت دلوقتي جاهز لانك تبدأ تقرأ كتب او روايات ، ان شاء الله نتفق علي الجروب علي كتاب او رواية. الكتب و الروايات هتقدر تاخد منهم كلمات كتير جدا و تفهم استخدمها الصحيح احسن من انك تذاكر كلمات بدون جمل تفهمك الكلمات دي ، التعبيرات الموجودة في الكتب و الروايات قوية و دلوقتي انت مستواك هيكون مستوي متقدم في اللغة ان شاء الله.


الروابط:

ثانيا: رابط كتاب Basic English Grammar Book 1

رابط كتاب Basic English Grammar Book 2 
ثالثا: رابط كتاب Fundamentals of English Grammar 3rd Edition 
رابعا: رابط كتاب Understanding And Using English Grammar
خامسا: رابط كتاب Understanding And Using English Grammar Workbook
سادسا: رابط كتاب The Blue Book of Grammar and Punctuation
سابعا: رابط كتاب THE ULTIMATE PHRASAL VERB BOOK
ثامنا: رابط حلقات برنامج English For You
طريقة تشغيله من هنا

مرسلة بواسطة في هناك تعليقان (2):
التسميات: , ,

الاثنين، 8 فبراير 2016

خطة مذاكرة لطلاب كلية تربية و مدرسي اللغة الانجليزية


اولا الخطة هي اساس لو حد فيكم عايز ياخد شهادة متخصصة في التدريس سواء TEFL او CELTA ، كمان بفترض انك بتعرف انجليزي مش مبتدأ يعني. مش هقدر اقولك هتقدر تخلص الخطة في كام شهر لاني معرفش هتذاكر كام ساعة في اليوم و بتعمل ايه و انت بتذاكر ، مثلا فيه مدرس مستواه قوي جدا في الفهم ممكن يقرأ و يذاكر كتاب في اسبوع و شخص اخر ياخد 3 شهور. المهم "تبدأ صح و تبدأ بسرعة". ولكن هعمل جدول للمبتدئين ، لو مستواك كويس هتمشي اسرع في الجدول.
اول حاجة الكتب بتاعت الخطة
The Teacher's Grammar Book
Oxford Guide to English Grammar
English Prepositions Explained
Writing Academic English
Teach EFL The Complete Guide
How to Teach Pronunciation
How to Teach English
25 Biggest Mistakes Teachers Make and How to Avoid Them
https://www.mediafire.com/?g7i7bivb797qimo
خلي بالك ان الموضوع مش كتب و خلاص ، مكنش حد احتار ، الموضوع هو اسلوب مذاكرتك للكتب. قبل ما نتكلم عن مذاكرة الكتب لازم تجيب كشكول للكلمات الجديدة و كشكول اخر للتعبيرات الجديدة عليك ، لازم تنطق كل كلمة في قاموس زي اكسفورد لانك لو مدرس قوي بدون نطق انجليزي سليم تبقي مش مدرس. لو انت زي كتير من خريجي كليات التخصص مستواك في الانجليزي ضعيف يبقي هتتعب في البداية اوي بس النتيجة هتكون روعة و اضمن لك انك لو مشيت علي الخطة هتبقي مدرس ناجح و تقدر تسافر برا كمان. يبقي:
1- هتعمل كشكول للكلمات و هتنطق كل كلمة جديدة في قاموس انجليزي (الرابط في اخر المشاركة)
2- كشكول للتعبيرات الجديدة و الملاحظات زي الفرق بين استخدام المضارع التام و الماضي البسيط مثلا (و انا بنزل علي صفحتي كتير كمان)
3- ممكن الموضوع يوصل انك في البداية تترجم كل كلمة ، عادي مش عيب grin emoticon و مش تيأس ، لازم تتعب علشان مستواك يبقي عالي في اللغة و التدريس.
4- في الاول هتترجم الكلمات في قاموس عربي من اختيارك لغاية ما تجمع حصيلة كلمات كويسة و تقدر تستخدم القاموس الانجليزي انجليزي.
الشهر الاول (مذاكرة لا تقل عن خمس ساعات يوميا)
The Teacher's Grammar Book
الكتاب دا جميل جدا لانه بيعلمك تعلم الجرامر و كمان لا يفترض ان مستواك عالي فيه ، يعني مقدمة كويسة للموضوعين. انا اخترته في البداية قبل كتاب اكسفورد في الجرامر علشان تفهم ايه المطلوب منك كمدرس الاول وبعدين و انت بتذاكر جرامر تبقي عارف هتستخدمه ازاي في الفصل و في نفس الوقت بتقوي و توسع معرفتك.
الشهر الثاني و الثالث (مذاكرة لا تقل عن خمس ساعات يوميا)
Oxford Guide to English Grammar
الكتاب دا اكثر من رائع في الجرامر و هياخد منك علي الاقل شهرين مذاكرة ، عادي لو اخد حتي 3 شهور ، المهم تفهم انك مش مجرد بتقرأ الكتاب و خلاص ، لا انت بتذاكر و بتتعلم جمل جديدة ممكن تكتب زيها علشان يبقي فيه ممارسة و ممكن تنطقها في القاموس و ممكن تكون بتكتب ملاحظات علي كل حاجة اتعلمتها طول الطريق. الكتاب هيضع لك قاعدة قوية كمدرس في الجرامر و دا شيء مهم جدا لمهارات اللغة الاربعة.
الشهر الرابع (مذاكرة لا تقل عن خمس ساعات يوميا)
English Prepositions Explained
حروف الجر مشكلة لاغلب الناس ، مش بس لنا ولكن حتي لاهل اللغة ساعات. لازم كمدرس تبقي مستريح معاها جدا ، الكتاب صغير مش كبير ، محتاج تكتب كتير و تنطق في القاموس زي ما قولنا و تقرأ ما كتبته علشان تتعود علي الكلام بالانجليزي.
الشهر الخامس (مذاكرة لا تقل عن خمس ساعات يوميا)
Writing Academic English
كمدرس عايز يحترف المهنة و ياخد دورة متخصصة في التدريس زي TEFL او CELTA لازم بكل تأكيد تطور مهارة الكتابة عندك ، لان بيطلب منك اعتقد
four written assignments (each 1,000 words)
علي اي حال لازم كمدرس تكون عند المهارة انك تكتب صح علشان تعلم الطلاب مهارة الكتابة.
الشهر السادس (مذاكرة لا تقل عن خمس ساعات يوميا)
Teach EFL The Complete Guide
الكتاب دا هيعلمك ازاي تدرس انجليزي للطلاب و ازاي تدير الفصل و تعلم الطلاب عن طريق الامتحانات و تقيم مستواهم ، هيعلمك ازاي تدرسلهم القراءة ، الكتابة ، التحدث ، الاستماع. هيقولك علي الاخطاء الشائعة و هيعلمك كمان ازاي تحضر الدرس بشكل احترافي
الشهر السابع (مذاكرة لا تقل عن خمس ساعات يوميا)
How to Teach Pronunciation
من اسم الكتاب باين اوي انه هيعلمك اسلوب تشرح به النطق في اللغة الانجليزية للطلاب و في نفس الوقت انت هتتعلم ، ولكن خلي بالك انك من اول يوم بتنطق الكلمات في قاموس انجليزي انجليزي و لو متخصص في اللغة اكيد درست صوتيات في الكلية طبعا.
الشهر الثامن (مذاكرة لا تقل عن خمس ساعات يوميا)
How to Teach English
الكتاب دا رائع و هو شبيه بمواضيع Teach EFL شوية و لكنه بيتوسع ، الكتاب دا مهم جدا.
ممكن توقف الخطة عند الكتاب دا و انك كدا فعلا جاهز تشتغل في مدرسة خاصة او لغات او تستعد لشهادة TEFL او CELTA لو تخصصك انجليزي او لا مش مهم. لو معاك شهادة احترافية في التدريس هتشتغل في التدريس مفيش مشكلة. اخر كتاب هو
25 Biggest Mistakes Teachers Make and How to Avoid Them
انا شايف انه مهم لانه بيعلمك ايه هي الاخطاء بتاعت المدرسين ، مش في الانجليزي نفسه لالا ولكن كمدرس ، الكتاب مهم ولكنه غير مرتبط بالخطة ارتباط كبير ، المفروض كل المدرسين تقرأ الكتاب دا.
هل ممكن اذاكر الخطة في وقت اقل؟
طبعا ممكن بس الوقت هيزيد يعني عايز تفرغ كامل ، لو ذاكرت طول اليوم فعلا ممكن تخدها في خمس شهور مثلا.
رابط قاموس اكسفورد انجليزي انجليزي
http://en-idownsoft.blogspot.in/…/oxford-advanced-learners-…


المصدر:
 https://www.facebook.com/Michael.Y.Labib/posts/454306424758421


مرسلة بواسطة في ليست هناك تعليقات:
التسميات: ,

الأربعاء، 9 سبتمبر 2015

الإفلاس العلمي ... احذر !

بين الإفلاس المادي.... والإفلاس العلمي!
من المتفق عليه بين أرباب العقول السليمة، أنه كلما كثرت نفقات الشخص؛ كلما احتاج إلى تكثير الدخل، أو مصادره.
أما أن يفتح الإنسان على نفسه أبواباً متعددة للنفقة، وهو لا يملك إلا مصدراً محدوداً لدخله، لا يعمل على تنميته، أو إضافة باب آخر إليه= فهذا يوشك أن يفلس، حتى وإن كان يملك الكثير.
ولذا قالوا في المثل المصري: "خد من التل= يختل".
قريب من حالة الإفلاس المادي هذه: حالة الإفلاس العلمي.
فهذا الذي أوتي علماً، قلّ أو كثر، ويعدد من مصادر إنفاقه، بين محاضرات، ودورات، وتسجيلات، وتصنيفات، دون تنمية لمصادره، أو تنويع لها= يوشك أن يفلس!
ومن فضائل أحد شيوخنا ومزاياه: أنه مع كبر سنه، وتعدد بيوته، وكثرة انشغالاته ونفقاته العلمية والدعوية= لا يفرط في أهم مصدر من مصادر دخله العلمي؛ وهو: نقاشه العلمي مع طلابه، واطلاعه على أبحاثهم.
وأذكر أن أحد إخواني الكبار في هذا الباب، والذي أدين له بكثير من الفضل والفهم؛ ظهر في وقت من الأوقات في بعض البرامج، وعلى إثرها كان يجمعنا لقاء، فكان مما ذكره: أنه إذا استمر على تلك الحال من النفقة العلمية؛ يوشك بعد عام أو عامين أن ينضب مخزونه!
هذا، مع شهادتي ومن معي له بسعة الاطلاع، وكثرة المخزون، ونهمة النظر.
وقد كتب أحد المتخصصين في علوم الشرع عبارة منذ فترة، حاصل خراجها: أن عليك أن تقرأ عشر صفحات لتكتب سطراً واحداً!
ونبينا صلى الله عليه وسلم كان مصدر تلقيه واحداً، وهو: الوحي الإلهي -بكافة أشكاله- وكان أسخى الناس وأجودهم بعلمه وماله ونفسه، فلعله من هذا الباب، أمره الله أن يطلب الزيادة من العلم؛ لا خشية التوقف أو الإفلاس معاذ الله، وإنما ليزيد عطاؤه للمؤمنين، فقال له: {وقُلْ ربِّ زدني علماً}.
وقد تم له ذلك إلى آخر عمره؛ فقال أنس: «إن الله تعالى تابع على رسوله صلى الله عليه وسلم الوحي قبل وفاته، حتى توفاه أكثر ما كان الوحي».
خلاصة هذا -لنفسي ولإخواني- :
- الحذر من فتح أبواب النفقة، قبل الاستعداد بمصادر الدخل المناسبة لهذه الأبواب؛ وإلا فالإفلاس والافتضاح، يعقبه النفور والانفضاض.
- أنت أدرى بنفسك ممن حولك، فلا تغتر بزخرف قولهم، ومعسول كلامهم، وتزييف عروضهم؛ مثل:
(درس كمان مش هيفرق معاك ياشيخ، انت محتاج تحضر بردة! أمال مين يطلع ع القنوات لو حضرتك ماطلعتش؟) إلى آخره.
- الكلام الأعمق أثراً، والأكثر نفعاً، والأطول بقاءً؛ يلزمه إعدادٌ جيد، وتأنّ وتهيئة، مع تضرع لله عز وجل أن يرزق الإخلاص، والفهم، والتوفيق.
وفي زماننا من يمكث سنة كاملة ليخرج محاضرة وخطبة، ومن يدفع للناس في الأسبوع الواحد سيلاً من المحاضرات، والخطب.
والأثر والفارق بيّن لأرباب العقول، والتوسط محمود ومطلوب.
- لست ملزماً أن تتكلم في كل الأبواب والفروع، لكن ما وُفقت وهُديت إليه: فلا تقصر فيه، ونوّع في عرضه وتقديمه، حتى وإن لم تفارقه.
وأنت ترى المرأة الطاهية البارعة كيف تستطيع أن تطعم أهل بيتها من البطاطس شهراً كاملاً دون أن يملوا، بتغيير شكلها يوماً بعد يوم (محمرة، مطبوخة، شيبسي، بوريه،......).
- وأما الذين يبخلون بعلمهم، ويكنزونه ولا ينفقون منه= فقد علموا ما قال الله في الكانزين.
"الإبداع -كما يقال في هذه الأيام- لابد له من مدد، والمدد ليس له إلا طريق واحد؛ هو القراءة الرشيدة المستمرة، ثم التأمل".


بقلم: أحمد الجابري 
مرسلة بواسطة في ليست هناك تعليقات:
التسميات:

ابليكاشن الموقع

هو أول برنامج مصرى بيساعد المهندس المنفذ فى الموقع من خلاله تقدر تعرف أى معلمومة ممكن تجتاجها فى الموقع بسهولة و بسرعة ..
كمان ممكن تراجع معلوماتك فى دقايق عليه
التطبيق شامل كل بندود و أعمال الموقع و الأسعار كمان
لازم يكون على موبيل أى مهندس مدنى
The first app in Egypt That Making Engagement between the Engineer with Practical Science & with Site and The First Egyptian App Helps Engineers to Do Their Work and to Do it Right.


إزاى تستخدام البرنامج
1. افتح القائمة
2. اختار البند الذى تريد استلامه من استلام الموقع لاستلام المبانى
3. يوجد أيضا مقايسة بناء كاملة
4. يوجد أيضا معدلات انتاج
5. يوجد أيضا كيفية حساب أسعار البنود
.........................
صفحة الابليكاشن على الفيس بوك :
______________________________________
لينك تحميل الابليكاشن :



منقول .

مرسلة بواسطة في ليست هناك تعليقات:
التسميات:

الأحد، 6 سبتمبر 2015

المُختصر اللذيذ في لغة الإنجليز

انت متوقع ان كلامي هيكون زي بوستات اللغة ومقالاتها الـ غرقت النت، لكن لأ مش هتكون كده، هتكلم عن تجربتي -والكلام هيكون متجدد زي مُذكراتي في تعلم الانجليزي- ..
بدأت من الأخير على فصلي وشكوى جميع المدرسين وحتى وصلت لمستوى B2 الآن .

 لمعرفة مستواك في اللغة الإنجليزية:
http://www.examenglish.com/leveltest/index.php


________________________________________________________________

1- إن كنت تبدأ في اللغة الإنجليزية من البداية : فهذا كتاب سيساعدك بداية من الحروف الهجائية والارقام وكلمات والشرح بالعربي .

http://www.gulfup.com/?PHG37Q#_=_


2- فيديوهات بسيطة بأسلوب مرح كوميدي تُحسن النطق لديك والشرح بالعربي .


https://www.youtube.com/user/IhabRamzi1/videos#_=_

ثم هذا الكتاب المرح المميز لتعلم بعض الجمل عن طريق الكاريكاتير وهو اسلوب مميز فالتعلم .

3- نبدأ بقى الشرح بالانجليزي لكن ببساطة من البداية خالص مع 3 مستويات شرح اساسيات وقواعد ومحادثة، التزم معه وستشعر بتقدم في مستواك .


4- بعد الانتهاء منه او اذا لم تشعر بتحسن ف مستواك يمكنك المتابعة مع احدى هذه المواقع :

وهذا يعتبر من افضل المواقع في تعلم اللغة .
أما هذه القناة فتحتوي على فيديوهات صغيره دقيقتين فقط وبها سلاسل انجليزي متخصص ك الهندسي والطبي والمُستخدم في البيزنس وغيره ..

5- نزل التطبيق ده على موبايلك : 


يمكنك ايضا ممارسته على حاسوبك، حيث يمتاز بعرضه فيديوهات قصيرة جدا، ويقف الفيديو بعد كل جملة ويظهر الكلام المنطوق في صورة كلام مكتوب حتى تربط مهارة الاستماع بمهارة القراءة .

6- ان اردت حفظ كلمات وتعبيرات فهذه المواقع اسلوبها رائع:


أيضاً يمكنك تنزيلها كـ تطبيقات على محمولك.

7- ان أردت كتاب لمعرفة الإنجليزي الخاص بالإيميلات سواء للمنح أو بحث عن وظائف أو غيره 


____________________________________________

وإليك بعض التجارب الخاصة:

1- هذه لغة كاملة لن تتعلمها في يوم وليلة، تذكر عندما كنت طفلاً اخذت 3 سنوات كي ابدأ بالكلام ثم بدأت اتقان النطق في السابعة.
2- تعلم اللغة يكون من ناطقيها الاصليين ومحادثاتهم العادية اليومية، لذلك اسرع من يُتقن اللغة من يعملون السياحة او يعيشون بالخارج .
3- فكّر بالإنجليزي ! 
اياك ان تُفكر بالعربي ثم تُفكر ثانية في ترجمة الكلمة ثم كيفية تركيبها ثم النطق بها .. اللغة تعني طلاقة في الحديث حتى وان احتوى على اخطاء فمع الوقت والممارسة ستتحسن .
4- بالتكرار ستنتقل النطق ومعاني الكلمات والقواعد من منطقة الشعور لمنطقة اللاشعور حيث يمكنك ان تتكلم دون اخطاء حتى لو نسيت القاعدة ولكنك لن تُخطئ فيها .
5- تعلم لغة جديدة يعني فتح حياة جديدة لك تشمل علم وعلاقات وفرص عمل وتفاصيل مواقع الكترونية وبلاد يتحدثون هذه اللغة ولم تكن لتفهمهم دون فهم لغتهم .

اجعل ورد يومي لتعلم اللغة وممارستها


.................
وبعد كل هذا لابد ان تتواجد على هذا الجروب الرائع 

حيث يتم نشر احدث الكورسات عليه باستمرار ومواعيد واماكن اختبارات الانجليزي وكيفية الاستعداد لها، واهم شئ تواجد متخصصين وأناس جربت تفيد بخبراتها ..

وسأضيف باستمرار ملاحظاتي في تعلم اللغة مع افضل المصادر التي اجربها واتأكد من صلاحيتها ..
مرسلة بواسطة في ليست هناك تعليقات:
التسميات: ,

الأربعاء، 2 سبتمبر 2015

العمل على الانترنت freelancer

بالعربي :


بالانجليزي :

http://www.guru.com/ للمشاريع فالشركات المبتكرة مهم
http://www.freelancewritinggigs.com/  للكتاب والمدونين
http://jobs.smashingmagazine.com/ للمصممين والمبرمجين
http://www.pitchme.org/ عرض افكار والكتابة عنها (صحافة). 
http://www.textbroker.com/ للكتاب والمدونين
http://www.artwanted.com/ للفنانين والمصورين
http://99designs.com/ للمصممين
http://www.tutor.com/ تقديم خدمات تعليمية


ولمزيد من المعلومات والنصائح وحل المشكلات إليك هذا الجروب ..
https://www.facebook.com/groups/Freelance.for.Arabs/


مرسلة بواسطة في ليست هناك تعليقات:
التسميات: ,

الأحد، 19 يوليو 2015

نصيحة مجرب للثانوية العامة (مُتجدد)


الثانوية العامة هي سنة بتقيس حاجات كتير جدا غير المذاكرة !!😊

١٠ شهور !
لاما يكونوا اسعد ١٠ شهور لاما يكونوا انيل ١٠ شهور😂
- لازم تحط هدف معين قدام علشان وقت متزهق تفتكره :)) 
- لازم يكون عندك صبر :)) 
- لازم يكون عندك روح المنافسة 
وشوية حاجات كتير كده فوق بعضها 

و هقولكوا شوية نصايح كده smile emoticon 

اول حاجة الاختيار الصح للمدرسين -
هو اللي هيحببك في المادة او يكرهك فيها 
لازم يكون بيفهم المادة كويس وبيتابع شيتات وامتحانات مش مطنش لان في وسط زنقة المواد والضغط لو مدرس واحد مرخي المادة هتقع منك 😔
لو حسيت ان فيه مدرس موقعلك مادة سيبه متضيعش وقتك لانك هتحس بقيمة الوقت دي بعدين !

تاني حاجة بقي ذاكر اول باول متنمش غير -لما تخلص اللي اخدته انهاردة متركنش حاجة ولو حاجة وقعت الحقها بسرعة بدل الموضوع ميزيد 
تالت حاجة " ما لا يدرك كله .. لا يترك كله " -
يعني متمشيش بمبدا هي كده كده خربانة 
لو حتي كمية كبيرة وقعت قسمها وابدا 
التسويف اكبر مشكلة في الثانوية العامة

احسن وقت للمذاكرة بتختلف من شخص -للتاني 
بس علميا الصبح من الفجر لحد مثلا الساعة ١٠ كده ٥ ساعات 
ترجع من الدروس تاكل وتتغذي كداهون 
وتريح نص ساعة .. نص ساعة !! 
تفصل بس دماغك 
وتذاكر شوية مثلا ساعتين او تلاتة 
كده ٨ ساعات :)) 
كفاية دول جدا وممكن يزيدوا بالوقت بقي 😉

التغذية مهمة جداا -
- النوم ميقلش عن ٨ ساعات ولا يزيد عنه برده 
لان النوم الكتير بيجيب كسل والنوم في الثانوية العامة حلو جداااا 😈

هتلاقي اي حد في الشارع يقولك " اخبار -الثانوية ايه ؟ " 
كمية ضغط وتعب اعصاب رهيبة 
سيبك منهم خالص مدام انت بتعمل اللي عليك ومش مقصر مع ربنا خلاص :)) 

الثانوية مش صعوبة منهج 
هي صعوبة موقف 
ان نص درجة تنقلك من كلية لكلية 
بس لازم تكون هادي جداا اللي كان بيغلطني في الامتحانات التوتر مش نقص 
معلومات 
حتي الحاجات اللي كانت رخمة محتاجة حد هادي ومركز بس !! 



اه صح نسيت .. 😄
متبداش جامد لانك هتزهق وهتقع في النص 
ابدا بالتدريج احنا في سباق لازم تبدا بالراحة وبعد كده تشد واحدة واحدة
😉

                                                                                                   بقلم/نوران رزق
______________________________________________

تسجيل صوتي نصائح هامة جداً للثانوية العامة .
https://soundcloud.com/superbrain94/d-1#_=_
________________________________________________

١- الثانوية العامة مرحلة فارقة في عمرك .. مش علشان الدراسة والهبل ده .. لكن علشان عن طريقها يتم تحديد خط سيرك النهائي في كل شيء .. صحبتك .. ثقافتك .. حياتك .. مكانك .. علاقتك بأهلك .. كل حاجة !
٢- انسى أهلك وأحلامهم وطموحاتهم المستفزة .. لو ربنا حقق لكل الناس امالهم البلد هتبقى كلها دكاترة وبالتالي المحاسبين هيبقوا مطلوبين ف سوق العمل اكتر !
٣- شوف انت عاوز ايه وابدأ اشتغل له .. اوعى يكون طموحك اي حاحة فوق وخلاص .. لان لو ده طموحك اعرف انك هتضيع .. لازم يبقى طموحك حاجة محددة عاوز توصل ليها .
٤- خلاص حددت انت عاوز ايه .. نيجي للدروس الخصوصية .. المدرس مش بشهرته او بفلوسه الكتير او بعدد الطلبة اللي بياخدوا عنده .. المدرس لا يضيف ليك اكتر من ٣٠ ٪ والباقي عليك .. لذا الاختيار لازم يكون بناءا على متطلباتك الشخصية للمدرس مش لامكانياته هو .
٥- نيجي للمذاكرة .. اعمل جدول للمذاكرة .. جدول يومي وجدول اسبوعي وجدول شهري وجدول للسنة ككل .. عندك عدد معين من الساعات قسمهم كويس واشتغل على الاساس ده .
٦- واظب على الصلاة في المسجد .. مش علشان ربنا يوفقك وتبقى برنس وكده لا .. لان ممكن توفيق ربنا يبقى في انك متخش طب او اسنان او صيدلة او هندسة .. لكن الصلاة بتعمل ريفرشمنت لحياتك .. بتديك طاقة لانك تعمل حاجة احسن .. بتخليك دايما راضي عن نفسك وراض بقضاء الله .
٧- وقت راحتك يفضل ميبقاش ف البلاي ستيشن .. يفضل يجون في حدائق عامة او مناطق خلابة او مناطق جديدة عمرك ما رحتها قبل كده .
٨- واظب على الاذكار لان دي حمايتك .
                                                                                    كتبها: محمد جلال 
http://ask.fm/mohamedglal/answer/130305213786
________________________________________________________
مرسلة بواسطة في ليست هناك تعليقات:
التسميات:
الاشتراك في: التعليقات (Atom)