قد تكون صاحبَ موهبةٍ مُبدِع ، قد تحوز مَلَكاتٍ تقدرُ معها أن تنجزَ في ساعةٍ ما ينجزه غيركَ في أسبوع .. لكن
سيتفوّق عليك دائمًا صاحب الاجتهاد الدؤوب المستمرّ ، ولو ما ملك نصفَ موهبتِك
الضربات السريعة نادرًا ما تتحول إلى بنيانٍ صلبٍ متماسك ، جرت العادة أن يهوي صاحبها إلى الفناء بذات السّرعة التي صعد بها
أما الهياكل المستقرّة العظيمة ، فهي وليدة نصفِ ساعةٍ في اليوم تتكرر أشهرًا متتابعة ..
ما أقواها من نصفِ ساعة! وما أبركَها وما أجملها!
فاعمد قبل أن تشقّ الطريق بحماسٍ في وجهتك إلى تهذيب نفسِك الوثّابةِ الضّجرة التي لا تكاد تثبتُ على شيءٍ سويعات ، فإنها إن مكثت على حالِها ..
لتخذلنّك عند كلّ اختبار ..."
"حاول تخلي لكل يوم معني خاص بيه ، يعني متحطش هدف كبير و بعيد لأن دا معناه أنك كل يوم لسه موصلتش تبقي فشلت و مع الوقت نفسيتك هتضغط .. حط كل يوم هدف صغير و أشتغل عليه علشان يقربك خطوة للي أنت عايزه .
متعتمدش علي الشغف ، الشغف زي البوصلة ممكن يديلك الأتجاه الصح بس مش هيقدر يحركك خطوة لقدام ، اللي هيحركك هو شغلك الكتير و إلتزامك اليومي .
مش عيب أنك تبقي زهقان و بتكره اللي بتعمله حتي لو شغوف بيه ( في جزء ممل علي طول ) ، حتي أعظم الناس في مجالاتهم بيوصلوا للمرحلة دي ، متذكر كلمة الملاكم لمحمد علي كان بيقول أنه بيكره كل دقيقة تمرين بس بيتمرن علشان يعيش حياته كبطل .
في أيام مش هتبقي عايز تعمل اللي المفروض تعمله ، دي أهم أيام ، هي دي اللي هتفصلك عن بقية الناس ... افصل ما بين شعورك و اللي المفروض تعمله . شعورك متقدرش تتحكم فيه بس تقدر تقوم و تعمل اللي وراك .
ساعات هتقف و تقول هي الحاجة دي صعبة و لا سهلة ؟ بس دا سؤال غلط ، السؤال الصح هي تستاهل و لا لأ ؟ لو تستاهل يبقي مفيش حاجة أسمها صعب و سهل ، في حاجة هتتعمل و هتاخد وقت كذا و مجهود كذا ."
"لا يوجد انجاز من غير تمارين مملة جدا جدا جدا، تحقيق انتاج جوهري ما هو غير تقبل انك تقعد تعيد نفس الكورد - مثلا - على الجيتار 500 مرة، ما هو غير انك تغني نفس الاغنية بتاع 1000 مرة، ما هو الا انك تحل الاف المسائل علشان تفهم جزئية ما، وتعيد وتزيد في التمرين حتى الملل.
.
الناس بتفهم بالخطأ انك علشان بتعمل شيء بتحبه يبقا لازم وانتا بتعمله تبقا غارق في النشوة كأنك بتشرب عصير مانجة وبتاع، دا كلام فارغ، وانتا بتعمل شيء بتحبه ممكن تتعقد في حياتك، تكتئب، تُحبط، تمل حتى الثمالة من كتر التجريد والتعقد اللي في المادة العلمية أو الفلسفية دي، بس حبك للشيء ده هوا اللي بيدفعك لتحمل كل هذا الملل وكل هذه الصعوبة،
.
علشان كده هتلاقي ان 99.99% من الناس بتخلع بعد أول اختبار مع التمرين الثقيل وتقول لنفسها "مش شايف نفسي هنا هروح لحاجه تانية"، ويفضل باقي عمره يتنقل بين كتب المبتدئين.
.
لذلك، صديقي/
الموضوع بسيط: التمرين المستمر الممل المتكرر، الجهد المُرهق، دفع الذات حتّى أقصى حدودها، هوا ربما الحل للإنجاز، في العلوم، المزيكا، الفلسفة، في أي شيء اخر.
.
فـ الموضوع مُش شبه الأفلام، صدقني مفيش مزيكا كلاسيكية جميلة بتشتغل وانتا بتذاكر فيزيا الكم أو النسبية العامة، مفيش أفكار بتتشكل مع بعض كأنها سيمفونية جميلة والكلام ده، فيه شتايم أبيحة بتطلع منك بس."
